محتار بين النترا هاى لاين و هوندا سيتى و رينو فلوينس

:girlsthink:
السلام عليكم و رحمة الله

يا جماعة انا محتار بين التلات عربيات دول و انا دلوقتى معايا النترا 2008 بس مانوال و عايز اركب اتوماتيك فمش عارف اجيب مين فى دول - أرجو المساعدة يمقارنة موضوعية

الراحه - الكماليات - قطع الغيار - قوة التحمل

مع العلم انى بسافر شرم - القاهرة - شرم مرة أو مرتين كل شهر
(السرعة أغلب الطريق 160 كم علشان كدة قوة الموتور و تحملة هاتفرق خاصة ان السرعة دى بتخلى الRPM على 4.5 و ده بيخلينى احس ان العربية فاضللها شوية و تعيط علشان اسيبها:ask:)

اعذرونى اذا كنت طولت عليكو - شكرا جزيلا مقدما

ممكن الالنترا علشان موتورها وانت اساسا مجربها

فلوانس و انت مطمن

رينو فلوانس او النترا

اقتباس:

---

المشاركة الأصلية كتبت بواسطة sibrahim

:girlsthink:

الراحه - الكماليات - قطع الغيار - قوة التحمل

مع العلم انى بسافر شرم - القاهرة - شرم مرة أو مرتين كل شهر
(السرعة أغلب الطريق 160 كم علشان كدة قوة الموتور و تحملة هاتفرق خاصة ان السرعة دى بتخلى الrpm على 4.5

---

العربية المناسبة لاحتياجاتك اللى انت قايلها دى الفلوينس

طبعا فلونس نعومة واداء وكماليات وراحة وقوة ماتور جبارة ده غير ان الرينو معمر جداا لو هتقارنه بالهينداى و.... اى حاجة تانيا

مقارنة ظالمة جداً ولا تصلح من الأساس ... طبعاً الفلوانس .

هو الهوندا هوندا حتى لو كانت سيتى
الفلوانس معرفش عنها حاجة غير ان الناس نتشكر فيها
النترا تيجى رقم تلاتة اهم حاجة عندك هو السبات ودة اسواء حاجة فيها

لو بضور على قطع غيار و مصاريف تشغيل يبقى الألنترا تتفوق طبعا

رينو فلوينس

الفلوينس أحسن قيمة مقابل السعر في الفئة بتاعتها
عربية اوروبية تقفيلها نضيف جدا ليها وكيل محترم فيها كل اللي انت عاوزة من اوبشنز سعرها معقول جدا , حتعوز إيه أحسن من كده ؟؟

الالنترا هينزل منها شكل جديد السنه الجايه فالشكل ده سعره هيبقي واقع في اعاده البيع ده غير ان عفشتها طريه و توكيل غبور نيله اصلا

السيتي عربيه غير منتشره و التوكيل مش مهتم بيها فده هيأثر بالسلب علي قطع الغيار و علي سعر اعاده البيع بس طبعا العربيه كويسه جدا

الفلوانس هي افضل اختيار و خصوصا ان توكيلها ن افضل التوكيلات في مصر فتوكل علي الله فيها

لو يهمك سعر أعادة البيع يبقى الترتيب من الأعلى للأقل عند البيع كالتالى: ألنترا - سيتى - فليوانس

لو يهمك رخص سعر قطع الغيار يبقى الترتيب كالتالى: ألنترا - سيتى - فليوانس

لو يهمك الثبات و الكماليات يبقى الترتيب من الأحسن الى الأقل كالتالى : فليوانس - هوندا - ألنترا

الشياكة ( مع أنها أذواق بس هقولك رأيي ) يبقى الترتيب من الأحسن الى الأقل كالتالى : فليوانس - هوندا - ألنترا

لو يهمك خدمة ما بعد البيع يبقى الترتيب من الأحسن للأسواء كالتالى : فليوانس - هوندا - ألنترا

أنت يهمك أيه فى العربية ؟؟؟؟؟

لازم تتنازل عن حاجات مقابل حاجات تانية أهم بالنسبالك.

ماتنسوش ان فى فرق سعر مايقرب من 30000 جم بين الرينو والالنترا وده فرق مش قليل واعتقد يدى افضلية للالنترا

شكرا جدا يا جماعة على الردود الجميلة دى ومشاركتكو بس أنا عندى شوية قلق من موضوع الفرنساوى ده و كمان موضوع الRPM مع السرعة يعنى لو انا ماشى على 160 لفات الموتور هاتبقى كام فى الفلونس على اسا انها 4 نقلت بس على حد علمى و لو هاتبقى زى الألنترا فى الموضوع ده برده الموتور هايهلك بسرعة و للا انا كدة مش فاهم .......؟:rfds:

Fluence 100/100

فلونس ومش هتندم ان شاء الله

يا جماعه لو هنتكلم بموضوعيه لاني محتار نفس الحيرة بس مزود السيراتو الهاي لين و اللنسر الشارك
انا من اشد المعجبين للفلونس ومسميها الصاروخ الحاجه الوحيده المخوفاني مصاريفها بعد كده وطبعا سعر اعاده البيع بس في ناس بتؤل انها هتكون احسن من الميجان الكلنا عارفين تاريخها
والسيراتو بتهايئلي مفيش حد بيشتكي منها خالص (الفلونس تغلب في الامان بس+العربيه اوروبي)
السيتي لما ركبتها فخمه وكفايه الهيه هوندا بس ديقه اوي مقارنه للسيراتو (الفلونس اوسع من الاتنين)
الشارك جميله جدا قويه بس مفيش 2010 وقليله جد في السوق ومش هتنزل تاني يعني ممكن قطع الغيار تنقرض و الله اعلم
وربنا يوفقنا في الاختيار

اقتباس:

---

المشاركة الأصلية كتبت بواسطة sibrahim

شكرا جدا يا جماعة على الردود الجميلة دى ومشاركتكو بس أنا عندى شوية قلق من موضوع الفرنساوى ده و كمان موضوع الRPM مع السرعة يعنى لو انا ماشى على 160 لفات الموتور هاتبقى كام فى الفلونس على اسا انها 4 نقلت بس على حد علمى و لو هاتبقى زى الألنترا فى الموضوع ده برده الموتور هايهلك بسرعة و للا انا كدة مش فاهم .......؟:rfds:

---

متخليش موضوع الRPM ده يشغلك لأنه مفيش أى مشكله على الموتور حتى لو ماشى الطريق كله على 6000 RPM و إلا مكانوش صمموه انه يجيب السرعه ده و أصلا 160 ده كمان مش أخر العربيه...........أهم حاجه ان الRPM ما يدخلش فى المنطقة الحمراء و بس.

تانى حاجه عاوز أوضحهالك ان نسب الفتيس المانوال بتختلف عن الأتوماتك و الإلنترا الأتوماتك على سرعة 160 الRPM بيبقه تقريبا عند 4000 RPM فقط (و على فكره مش شرط يكون ده ميزه عن المانوال و لكن ده مقصود لإعتبارات أخرى خاصه بالفتيس الأتوماتك لأن هو اللى بيتعب بقه فعلا عن المانوال و السواقه بسرعات عاليه لفترات طويله بتخلى زيت الأتوماتك يسخن جدا و عشان كده مقصود ان الRPM على الرابع فيه يبقه مرتاح إنما المتور مش فارقه معاه و كل ما كان الRPM عالى معناه Power أعلى و انت ماشى)

متخليك فى اليابانى أحسن عشان فعلا هيستحملك أكتر.......... بس أنا مش موافق على السيتى و برشحلك لانسر شارك كامله سبورت.

وسع خياراتك لتضم صني سوبر صالون و تيدا - لانسر شارك وبومة - كرولا خليجي - .... الخ

فلووووووووونس

بجد الفلوانس 4 نقلات ؟؟؟؟؟؟؟؟؟؟؟؟؟؟ انا فعلا محتار زيك بين الفلوانس و الالنترا و السيتي بس السيتس 2010 انا شايف انها كويسة وافضل من الالنترا السيتي الجديدة 1500 سي سي 118 حصان والرينو فلوانس وميجان حاجة خيال عربيات الصفوة فعلا عربيات فخمة بالنسبة للعربيات الاوروبي اعتقد لا متأكد احسن من الكوري وخدمة ما بعد البيع

اقتباس:

---

المشاركة الأصلية كتبت بواسطة mohamedway

متخليش موضوع الrpm ده يشغلك لأنه مفيش أى مشكله على الموتور حتى لو ماشى الطريق كله على 6000 rpm و إلا مكانوش صمموه انه يجيب السرعه ده و أصلا 160 ده كمان مش أخر العربيه...........أهم حاجه ان الrpm ما يدخلش فى المنطقة الحمراء و بس.

تانى حاجه عاوز أوضحهالك ان نسب الفتيس المانوال بتختلف عن الأتوماتك و الإلنترا الأتوماتك على سرعة 160 الrpm بيبقه تقريبا عند 4000 rpm فقط (و على فكره مش شرط يكون ده ميزه عن المانوال و لكن ده مقصود لإعتبارات أخرى خاصه بالفتيس الأتوماتك لأن هو اللى بيتعب بقه فعلا عن المانوال و السواقه بسرعات عاليه لفترات طويله بتخلى زيت الأتوماتك يسخن جدا و عشان كده مقصود ان الrpm على الرابع فيه يبقه مرتاح إنما المتور مش فارقه معاه و كل ما كان الrpm عالى معناه power أعلى و انت ماشى)

متخليك فى اليابانى أحسن عشان فعلا هيستحملك أكتر.......... بس أنا مش موافق على السيتى و برشحلك لانسر شارك كامله سبورت.

---

متشكر جدا يا جماعة على تفاعلكوا معايا

أستاذ محمد ميرسى على المعلومات القيمه بس انت دلوقتى قلقتنى من الأوتماتيك و السفر يعنى تفتكر الفتيس الأوتوماتيك مش هايستحمل اللى أنا باعمله ده و مش هايعمر بسبب السخونية دى وللا ايه.

بالنسبة لموضوع الشارك أنا عاجبنى شكلها بس شايفها غالية جدا و كمان عدم انتشارها مخلينى قلقان منها شويتين اما بالنسبة للصنى فأنا التقفيل المصرى مش مقتنع بيه - رأى شخصى - وكمان أنا مش ناقص حيرة إذا كان هما مودلين تلاتة ومش عارف اخد قرار يبقى هاخليهم خمسة ستة يبقى ان شاء الله هافضل قارن طول عمرى علشان ابنى لما يكبر يبقى يشترى
آه بالنسب للتيدا فأنا مش حابب شكلها - برده رأى شخصى

اقتباس:

---

المشاركة الأصلية كتبت بواسطة sibrahim

متشكر جدا يا جماعة على تفاعلكوا معايا

أستاذ محمد ميرسى على المعلومات القيمه بس انت دلوقتى قلقتنى من الأوتماتيك و السفر يعنى تفتكر الفتيس الأوتوماتيك مش هايستحمل اللى أنا باعمله ده و مش هايعمر بسبب السخونية دى وللا ايه.

بالنسبة لموضوع الشارك أنا عاجبنى شكلها بس شايفها غالية جدا و كمان عدم انتشارها مخلينى قلقان منها شويتين اما بالنسبة للصنى فأنا التقفيل المصرى مش مقتنع بيه - رأى شخصى - وكمان أنا مش ناقص حيرة إذا كان هما مودلين تلاتة ومش عارف اخد قرار يبقى هاخليهم خمسة ستة يبقى ان شاء الله هافضل قارن طول عمرى علشان ابنى لما يكبر يبقى يشترى
آه بالنسب للتيدا فأنا مش حابب شكلها - برده رأى شخصى

---

خلاص يبقه إلنترا أتوماتك و وعلى الأقل انت عارفها كويس و عارف عيوبها و مميزاتها و أعتقد انك بتغيرها عشان عاوز أتوماتك مش لأى حاجه تانيه مضايقاك من العربيه........ و ما تقلقش الإلنترا عربيه محترمه و الأتوماتك بتاعها محترم و هيستحملك........ لو ناوى تجيب إلنترا هاى لاين من الأخر يبقه ان شاء الله صفقه رابحه لأنها فعلا عربيه محترمه و تأكد انها بجنوط 16 مش 15 و هتكون أكثر ثبات من اللى معاك (بس ركز مع الجنوط ) هات الموديل اللى جنوطه 16 بوصه.

اقتباس:

---

المشاركة الأصلية كتبت بواسطة ahmed a.maksoud

لو يهمك سعر أعادة البيع يبقى الترتيب من الأعلى للأقل عند البيع كالتالى: ألنترا - سيتى - فليوانس

لو يهمك رخص سعر قطع الغيار يبقى الترتيب كالتالى: ألنترا - سيتى - فليوانس

لو يهمك الثبات و الكماليات يبقى الترتيب من الأحسن الى الأقل كالتالى : فليوانس - هوندا - ألنترا

الشياكة ( مع أنها أذواق بس هقولك رأيي ) يبقى الترتيب من الأحسن الى الأقل كالتالى : فليوانس - هوندا - ألنترا

لو يهمك خدمة ما بعد البيع يبقى الترتيب من الأحسن للأسواء كالتالى : فليوانس - هوندا - ألنترا

أنت يهمك أيه فى العربية ؟؟؟؟؟

لازم تتنازل عن حاجات مقابل حاجات تانية أهم بالنسبالك.

---

+1111

طبعاً الفلوانس .

good car

الفلوانس فيها كل اللى انت عايزة ماعدا قطع الغيار لانها اكيد غالية جدا

اقتباس:

---

المشاركة الأصلية كتبت بواسطة ahmedmostafa_tv

الفلوانس فيها كل اللى انت عايزة ماعدا قطع الغيار لانها اكيد غالية جدا

---

فلونس طبعا

حد يبقى قدامة القمر ويبص عالنجوم
فلوانس يا باشا هو دة الاداء عالطرييييق
الانترا جبارة بس خفيفه جدا هى ثابتة بس عارف الثبات وانت مش مرتاح بردة تحس فى حاجه ناقصه
بس فلوانس بجد الله اكبر
الرينو فعلا موديلات محترمة وسعر منااااسب جدا بالنسبة لقيمتها وكمالياتها

هات اليابانى فى الاتوماتيك وريح بالللك

انت فى مصر خليك فى الالنترا عربيه روعه وكل حاجتها متوفرة والهيونداى عمؤمآ ممتاز ومنتشر فى المنطقه انتشار رهيب

اقتباس:

---

المشاركة الأصلية كتبت بواسطة sibrahim

:girlsthink:
السلام عليكم و رحمة الله

يا جماعة انا محتار بين التلات عربيات دول و انا دلوقتى معايا النترا 2008 بس مانوال و عايز اركب اتوماتيك فمش عارف اجيب مين فى دول - أرجو المساعدة يمقارنة موضوعية

الراحه - الكماليات - قطع الغيار - قوة التحمل

مع العلم انى بسافر شرم - القاهرة - شرم مرة أو مرتين كل شهر
(السرعة أغلب الطريق 160 كم علشان كدة قوة الموتور و تحملة هاتفرق خاصة ان السرعة دى بتخلى الRPM على 4.5 و ده بيخلينى احس ان العربية فاضللها شوية و تعيط علشان اسيبها:ask:)

اعذرونى اذا كنت طولت عليكو - شكرا جزيلا مقدما

---

انا كنت نفس حالتك بالمللى وانا معايا النترا2007 مانيوال والحمد لله استقريت على الفلوانس
:ask:

رينو فلوينس

او كروز

هات اى حاجة ماشية على اربع عجلات هتكون ارحم من هيونداى وعربياته وتوكيله اللى بيجيب عربيات معيوبة
........................
محمود عينو